Հունիսի 24-ին «Ջավախքի ճամբար» ծրագրի երրորդ օրը ճամբարականները կազմակերպեցին արշավ դեպի քաղաքի հայկական երկու հնամյա մատուռները: Տվյալ մատուռները ժողովրդի կողմից անվանվում են «Քրոջ եւ եղբոր վանքեր»:

Ճամբարականներին միացան նաեւ Ախալցխայի քահանաները, ովքեր ժամերգություն անցկացրին մատուռներից մեկում:

Ախալցխայի Հայկական Երիտասարդական Կրթամշակութային կենտրոնի առաջնորդ երիտասարդների խոսքերով` տվյալ սրբավայրում ժամերգություն չեր կատարված սովետական ժամանակաշրջանից իվեր եւ տվյալ ժամերգությունը հայ քահանաների կողմից շատ կարեւոր է:

Ախալցխայի հոգեւոր տեսուչ Տեր Հակոբի խոսքերով` շատ կարեւոր է, որ մեր երիտասարդները մշտապես իրենց ուշադրության կենտրոնում պահեն հայկական սրբավայրերը: Նրա խոսքերով` օրեր առաջ դեպի այս մատուռները մեքենայի ճանապարհ է բացվել, ինչը մեծ աշխատանքի արդյունք է:

«Ճանապարհի բացումը մեծ աշխատանք է պահանջել եւ շատ դրական գործ է, սակայն անհայտ են տվյալ գործը անողները եւ նրանց նպատակները: Մենք դիմել ենք Ախալցխայի քաղաքապետարանին, որ իմանանք թե արդյոք ինչ նպատակով եւ ովքեր են բացել տվյալ ճանապարհը, որպեսզի հայտնենք մեր վերաբերմունքը ու միգուցե նաեւ շնորհակալություն հայտնենք»,- ասաց Ախալցխայի հոգեւոր տեսուչ հայր Հակոբը:

$IMAGE2$